ლუციფერისა და ანგელოზის ურთიერგადაძახილი (აკ. გაწერელიას შემოქმედებითი პორტრეტისათვის)

ანოტაცია

მეოცე საუკუნის მკვლევართა შესახებ საუბრისას შეუძლებელია გვერდი ავუაროთ აკაკი გაწერელიას მეცნიერულ და ლიტერატურულ საქმიანობას. უაღრესად რაფინირებული და ფართო განათლების მქონე მკვლევარი თავს უპირველესად მწერლად მიიჩნევდა. მეცნიერულ-კრიტიკულ ნაშრომთა გვერდით ღირებულია მისი ლიტერატურული ნაწარმოებები.

მხატრულ ნაწარმოებთა თემატიკა მრავალმხრივი და ორიგინალურია, სტილი დახვეწილი – რაფინირებული.

დღემდე ამ უთვალსაჩინოესი მკვლევრისა და მწერლის შემოქმედება, ისევე როგორც მისი მეცნიერული ნაშრომები, სათანადოდ არ არის შესწავლილი. წინამდებარე ნაშრომი ამ ხარვეზის გამოსწორების მცდელობაა.

ნაშრომში განხილულია მისი ნოველებისა და მოთხრობების პრობლემატიკა.